ستاتوسات فيسبوك

كتب بليغ صلادين | وقفوا تناقل الفيديو بسرعة!

فيديو لصبيّة بترقص بملابسها الداخليّة في حفلة وداع العزوبيّة إلي عملتها مع صديقاتها منتشر في مجموعات الواتساب، بعد ما بعثته وحدة من الصبايا، والعالم بتعطي رايها فيه!

مش قادر أفهم لي لازم يهمّنا شو الناس بتعمل في حياتها الشخصيّة وفي مناسباتها المغلقه. أنا متأكد إنه كل واحد فينا بتصرّف بحرّية أكثر مع أصحابه وعيلته، خصيصًا في قعدات وأحداث مغلقة. بلكي كل واحد عمبتناقل الفيديو يسمح للناس يصيرو ييجوا يشاركوه أوقاته الخصوصيّة؟!

شو إلكوا في العالم!
كل واحد حُرّ كيف ينبسط وكيف يعبّر عن فرحه، طالما هو ما بأذي حدا.

المؤسف أكثر إنه الكل بعرف شو بصير بحفلات وداع العزوبيّة عند الشباب، من مشروب لهبل (وحقهن) وحتى مرات لدعارة غير قانونيّة. ليش إسا صار مهم صبيّة شو بتعمل أمام صديقاتها المقرّبات بحفلة خاصّة؟!

إلي نشرت الفيديو لازم تتحاسب قانونيًا،
وكل حدا عمبتناقله كمان عمبعمل مخالفة قانونيّة، وأخلاقيّة برايي.

إتركوا الناس تعيش، 
على الأقل بمناسباتهم إلي بتصير مرة بالحياة.

 



bar_chart_4_bars مقالات متعلقة

كتب طلب الصانع | منصور عباس يطرح برنامج واضح...

2021/06/14 09:33

كتبت سناء لهب | عندي سؤال صرله فترة بتردد...

2021/06/04 07:56

كتبت سناء لهب | لا افهم من يهاجم منصور عباس...

2021/04/02 11:04

كتب سليم سلامة | على قدر حلمك تتسع الأرض (م....

2021/03/21 20:43

كتب سليم سلامة | ارفَعوا أيديكم عن هذا...

2021/03/05 12:59