ستاتوسات فيسبوك

كتبت نادين خطيب | طالعة موضة جديدة مثيرة للاشمئزاز وبكثره من طالبات وطلاب المدارس اللي فكروا حالهن كبروا

طالعة موضة جديدة مثيرة للاشمئزاز وبكثره
من طالبات وطلاب المدارس
اللي فكروا حالهن كبروا
وبكونوا ارقى لما يكفروا على رب العالمين (استغفر الله العظيم) على كل كبيرة وصغيرة ويسبوا ويحكوا حكي بخزي بالشارع وهني مروحين وعلى مسمع الجميع

قال منستغرب ليش احنا مجتمع عنيف ووقح
بطل في رادع
لا اخلاقي ولا ديني ولا اهالي فاضية تربي وتتعب
فبطلع مجتمع خربان
القتل والعنف اهون اشي يستعملوه عشان يفرغوا طاقتهن

تلاقي طالبة مدرسة مع زميلاتها بالشارع زي اللي شوفتها اليوم
على طول حسها بتكفُر على صديقتها وهي بتمزح وبتضحوَّك؟!!!
شو الاهالي بعملوا؟
معقول غافلين لهالدرجة عن اولادهن وبناتهن معقول بعرفوش؟ معقول ؟؟؟

لما شباب ١٥ و ١٦ سنة واصغر
صايعين بالشارع وسهرانين على موسيقى بنص الليل لوجه الصبح للساعة ٣ و٤ يتضحكوا ويصيحوا ويتناغشوا وبسبوا على بعض

وين محل الاهل من الاعراب؟
كيف بيجيني نوم وابني برة بنص الليالي كيف !؟؟؟
خصوصا مع كل اللي منسمعه اخر مدة من قصص وقتل ومصايب

جيل فاسد وقليل ذوق وقيمة وترباية! 
والحق الاول والكبير على البيت والاهل
تحكوليش مجتمع ورفقة بس

 



bar_chart_4_bars مقالات متعلقة

كتب طلب الصانع | منصور عباس يطرح برنامج واضح...

2021/06/14 09:33

كتبت سناء لهب | عندي سؤال صرله فترة بتردد...

2021/06/04 07:56

كتبت سناء لهب | لا افهم من يهاجم منصور عباس...

2021/04/02 11:04

كتب سليم سلامة | على قدر حلمك تتسع الأرض (م....

2021/03/21 20:43

كتب سليم سلامة | ارفَعوا أيديكم عن هذا...

2021/03/05 12:59