رح ابلش من التعليقات اللي بشوفها في مواقع التواصل الاجتماعي، تعليقات بتدل على الجهل، الغباء، المرض العقلي والتخلف والرجعية!!!
تعليقات مثل: كل وحدة خرجت عن طوع اهلها، يجب ان يكون مصيرها الموت!! والموت قتلا!!
ييي كانت تأرجل، وتفتح لايف عالفيس او على التكتوك!!، وتعرض حالها!!
كانت تتحدى اهلها!! غيرت ديانتها!! كانت عايشة لحالها!!
كل أسباب العالم، كل اسباب العالم، كل اسباب العالم ما بتعطي شرعية لقتل زمزم محاميد من أم الفحم ابنة ١٩ عاما!! قتلت على أيدي مجموعة شباب اطلقوا النار في جميع انحاء جسدها بلا رحمة! قتلوها ومن ثم عادوا مرة اخرى واطلقوا النار عليها ليتأكدوا من موتها!
وكأنو الشباب اللي قتلوها كلهم شرف ونخوة!! لما قتلوها هيك مسحوا العار!! علوا راية الشرف!
كلمة حيوانات بطلت تنفع مع هالنوعية من المخلوقات،، جايين تقتلوها بعين قوية وعن تخطيط، حتى ترفعوا راسكو، كل شب فيكو يروح يشوف وين كاين قبل ميقتلها،، شو محشش، وينتا مارس الجنس اخر مرة ، شو اعطى مقابل السلاح اللي حاملو، يروح يسأل حالو كم مرة ضحك عبنت، كم مرة خانوا المشروب وسكر وروح على امو دايخ، كم مرة سافر ودور على جسم مرأة يفرغ فيها شهاوتو المكبوته هون مع عيلتو وبين اهلو، هاد الحكي موجه لكل شب مش بس للشباب اللي قتلو زمزم!! لكل شب حاط بمخو انو الشرف هو المرأة وفقط!! كل واحد فيكو يسأل حالو, انت شو فيك من الشرف،، بترحوا تتعلموا بتصاحبلك وحدة وبتنام بدارها وبتنام معها، وبتروح عند اهلك بتنيمها عندهن ومعهن وبتوخذ احترام الجميع،، وبتتزوجها بالاخر، اختك اللي هي اختك مجرد ما تعرف انها مصاحبة بتقلب الشهامة والشرف فيك!! وانت بفترة تعليمك وسفرك داير توزع حيواناتك المنوية بكل جسد امرأة اجنبية.
بكفي شرف شرف، هاد مثال من امثلة، لو بحكي امثلة مش رح تخلص، يا اولاد الشرف.
خطفتوا نساء هنه طفلات بالنسبة لامهاتهن، ما ابشع شعور الاختناق، ام شمت ريحة الطفولة مع بنتها حتى شافتها صبية وبيوم وليلة تلاقيها جثة مخزقة برصاص ومليانه دم!!!
الرجعية بتزيد والقتل بزيد، والانسانية عم تختفي!!
ياااااا
كلاب الشرف
إزدهار ابوليل
2021/06/14 09:33
2021/06/04 07:56
2021/04/02 11:04
2021/03/21 20:43
2021/03/05 12:59
