مهنيا: انتبه من هالاسبوع الصعب والثقيل بتأثيراته المعاكسة، بسبب وجود القمر والشمس فى برج الدلو المواجه لبرجك، لهيك حاذر من الخلافات والانفعالات لانه مزاجيتك صعبة ويستحيل التفاهم معك. راح تنشغل كثير وتنهمك بالمزيد من المهمات والاعمال، لهيك ابتعد عن الاجواء الصاخبة لانك بحاجة لهوا نقي. بالرغم من الاجواء المشحونة بالتوتر الا انك راح تتمتع ايام الاثنين والثلاثاء بتاثيرات جيدة مع وجود القمر في برج الحوت، فبتلمع شخصيتك وبتلفت انظار الكثيرين بحيويتك الي ما بتتقاوم. عاطفيا: وجود كوكب الحب في برج الحوت بخليك تحظى بلحظات كلها سعادة بالذات برفقة الحبيب، فممكن تنطلق معه في رحلة سعيدة. نهاية اسبوع طويلة لكن الاوضاع فيها ممتازة وبتسمحلك بلقاءات عذبة لا تُنسى، راح تشعر بالسعادة والراحة لاسيما أنه الحبيب بتفهم أوضاعك وبخفّف عنك الهموم والمتاعب.
