عن الصراع الفلسطيني الاسرائيلي وعن الصراع الداخلي الا وهو الفلسطيني الفلسطيني تتحدث ميسان حمدان ابنة قرية عسفيا في مدونتها، تسلط الضوء في مدونتها على صراعها بتحديد الهوية كفتاة تنتمي للطائفة الدرزية في مجتمع تكثر فيه التخبطات، وتقول في مدونتها:" مرحبا، إسمي ميسان حمدان من قرية عسفيا، وعمري 22، اشي مرة فكرتوا كيف ممكن تعرفوا عن حالكو؟ أو شو هي المركّبات اللي بتكوّن إسمكو؟ إشي مرة حسيتوا بغربة، غضب، خجل، تناقض، تضارب أو أي إحساس آخر لمّا انطلب منكو تعرفوا عن حالكو؟ أنا اليوم جاي أحكي عن التركيبة اللي هويتي مكوّنة منها. أول اشي أنا أنثى، بس أنثى في مجتمع ذكوري، بتعرفوا شو يعني؟ يعني لمّا أسمع ناس يقولوا لإمي كيف بنتك بتشارك في مظاهرات؟".
