مشروع مدونتي

مدونتي | منهل حايك | الخيانة وجهة نظر

منهل حايك يقدم مدونة يرد فيها على دعاة التجنيد والأب جبرائيل نداف ويقول فيها "أخشى ما أخشاه ان تصبح الخيانة وجهة نظر"، مقولة قالها القائد الفلسطيني صلاح خلف (أبو اياد) بكتابه "فلسطيني بلا هوية" ... مقولة صارت واقع، وصارت الخيانه وجهة نظر عند بعض الناس الدخيلة على شعبنا . وهون انا بقصد على سبيل المثال لا الحصر قيادة "منتدى تجنيد المسيحيين" ، وعلى الأخص المدعو جبرائيل نداف ، لإنو بيحب يعرِّف حالو كرجل دين ، وشو هالرجل الدين اللي بيدعي للقتل ، وبمارس سلخ قسم من الشعب العربي الفلسطيني عن الباقي، وإذا هاد هو الدين الله يسعدو ويبعدو . جبرائيل نداف هو الحالة الوقحة التابعة للمؤسسة الإسرائيلية، دايمًا كان في جنود من أبناء شعبنا، ودايما كان في عملاء، بس إنو توصل الوقاحه إنو يصير كلشي عالعلن، هون الخطورة.

bar_chart_4_bars مقاطع متعلقة