الأبراج

أبراج | برج القوس - صفات امراة القوس وعلاقتها بالعمل، الحب والموضة

امرأة برج القوس شخصية امرأة برج القوس من الشخصيات الي بتمتلك الفضول وبتحب الاكتشاف، وكمان معروف عنها انها بتمتلك ناحية فلسفية بتفكيرها، وبحالة بحث دائمة عن الحقيقة بأي شي بتتعرضله بحياتها. من الشخصيات الي ما بتستسلم ولا بتخضع، ومن اهم صفاتها إنها بتحب التغيير المستمر وبتعشق التحرر، وهي شخصية لافتة اذا دخلت أي مكان فبكون دخولها لافت ومركز للاهتمام. كمان هي شخصية بتفضل الاستقلالية بنظام حياتها، وبتكره فكرة التقيّد، لانها بتملك عقل منفتح. كمان هي حدا بيكره يقوم بالعمل تحت نمط أو جدول معين، وهي شخصية مرنة في كل جوانب الحياة، وعندها القدرة الكبيرة لتغير الخطط وتقلب الموازين لصالحها، وبتحب انه تعمل الاشيا الي بتحبها بدون ما تتبع أي شخص آخر. القوس مع الحب والعلاقات العاطفية بتبحث امرأة برج القوس عن الرجل الي بيقدر أنه يكون صديق الها قبل ما إنه يكون شريك حياتها لحتى تكون قادرة تشاركه المعنى الحقيقي للحب. امرأة صادقة ومخلصة وبتستحق ثقة الآخرين. بتقدر امرأة برج القوس أنه تحتفظ بقسط من الاستقلالية الي بتزيدها جاذبية وسحر في عيون الرجل. لكن المشكلة الي بتقع فيها امرأة برج القوس دائما، هي صعوبة التمييز بين الصداقة والحب، كمان معروف عنها انها بتقع بالحب سريع. ومع هيك، هي بتحرص انها توخذ وقت كافي لتتعرف على الشخص الي بتحبه قبل ما تفكر انه ترتبط فيو. بتحب امرأة برج القوس انه تشعر بالأمان والحماية من شريك حياتها وفي الوقت ذاته بترفض أنه تتُوجّه لإلها الأوامر طول الوقت. القوس والعمل امرأة برج القوس ما بتحب تتحمل المسؤولية، وبتحاول قدر الإمكان تتجنبها. بتعرف كيف تسير للأمام بصوب هدفها، وطبيعتها الطموحة بتساعدها لتوصل لأهدافها واحد بعد واحد. وعادة ما يكون المال، انما الشهرة والشعور بالتميز. امرأة برج القوس بتقدر إنه تكون نجمة في الشيء الي بتعشقه أو الي بترغب فيه وبتركز اهتمامها عليه. القوس والأصدقاء امرأة برج القوس صديقة رائعة، وممكن تعمل أي شي لحتى تساعد الأشخاص المقربين منها. فأصدقائها بيقدروا إنه يعتمدوا عليها في الأوقات الي بيحتاجوها فيها. معروف عنها كمان أديش هي مغامرة وبتحفز الأشخاص المحيطين بشكل دائم إنه يجربوا الأشياء الجديدة والمثيرة في الحياة. القوس والموضة لأنه امرأة برج القوس فضولية وبتحب الاكتشاف، فهيك هي بالزبط كمان بالموضة والأزياء نفس الشيء. ما بهم امرأة برج القوس أنه تكون أيقونة الموضة أو أنه ترتدي أحدث الصيحات في عالم الأزياء، لكن بيكفيها تلبس الملابس الي بتشعرها بالراحة. هي كمان بتحب الألوان والملابس الواسعة، وبتشعر براحة أكبر لما بتلبس الملابس الرياضية. بتعتمد امرأة برج القوس مكياج خفيف، والي بيعرف هالشخصية بيلاحظ انها نادر ما بتلبس المجوهرات. كمان بتلاقيها متحفظة بقطع الإكسسوارات الي بترتبط بذكريات هامة في حياتها. بتميل امرأة القوس للستايل البسيط والبوهيمي وإذا بدنا نوصف ستايل أزياء امرأة القوس في جملة واحدة، فبتكون هالجملة "نسمة من الهواء المنعش".

bar_chart_4_bars مقاطع متعلقة