المهني: ممكن تتعرض لظلم او استفزاز فما تجازف لانه ممكن تخسر موقعك بسبب معاكسة القمر إلك من الجدي، بداية اسبوع بتحمل وجوه متناقضة، فبيشتد قلقك وعملك بكون بطيء، وبتتراجع امام العوائق، فحاول انه تضبط اعصابك. انتقال القمر للعقرب بيحملك لافق جديدة واحتمالات ايجابية، كمان بيوعدك بمفاجآت سارة على كافة المستويات، وممكن تنتقل لمرحلة افضل.. انت الاقوى حظا وهالفترة بتساعدك لتوصل للقمة. العاطفي: ما بناسبك انتقال الزهرة للحمل الي راح بخلي حياتك الشخصية والعائلية متقلبة ومشحونة بالضغوط والمعاكسات الي راح تكثر خلاله النقاشات الحسّاسة الي بتثير عصبيّتك وبتأثر ععلاقتك مع الشريك بالاخص مواليد العشرية الاولى الي بتخضع لمعاكسة كوكب المريخ من القوس.
