close
arrow_back
HD 00:00 / 00:00
play_arrow pause
volume_up volume_off
error_outline

أبراج | صفات رجل برج الحوت

2020-02-25 19:19
تاريخ برج الحوت: ١٩ شباط حتى ٢٠ آذار كوكب رجل الحوت: مائي الأبراج الي بتوافق معها برج الحوت: السرطان، والعذراء، والعقرب الأبراج الي ما بتوافق معها برج الحوت: الحمل، والجوزاء والأسد رجل الحوت من الشخصيات المعطّاءة والكريمة الي عندها حدس عالي. بسهولة بقدر يحس بالاشيا الي بفكر فيها الآخرين. عاطفي وحساس جدا وبحاول طيلة الوقت يخفي هاد الجانب منه. البعض بشوف انه شخصية غامضة وصعبة للقراءة. بتميز رجل الحوت كمان بالشغف والابداع، وبتلاقيه مولع بالفن. الحوت محب للموسيقى والقصص الرومانسية، حالم، وبميل للعزلة والنوم الكثير، بكره النقد والعنف أو السلوك القاسي، وهو من أكثر الشخصيات المسالمة بين الأبراج.. بحب رجل الحوت خدمة الأخرين وتقديم المساعدة. حكيم، وعنده نظرة ثاقبة للأمور، ومن طبيعته أنه ما بصدر الأحكام بشكل سريع عالآخرين. متسامح وعنده طول بال وصبر، بحب بشغف وعنده ولاء كبير لشريكة حياته. الرجل الحوت ما ببوح بأسراره وشخصيته الحقيقية إلا للأشخاص الي بيشعر معهن بالأمان والطمأنينة. ممكن يستغرق مِنِك الأمر سنوات حتى تتعرف على حقيقة رجل الحوت، بس هاد ما بعني أنه غير اجتماعي أو انطوائي، بالعكس عنده مجموعة لا بأس فيها من العلاقات، لكن طبعه ما بسمحله يكشف نفسه إلا للقليلين منهن، الي بشعر أنهن الأقرب لقلبه وبشعر معهن بالأمان، وهالشي ممكن ينبع من كونه حساس جداً، فالشي الي ممكن يتأثر منه اي شخص مرة وحدة، بتأثر منه الحوت عشر مرات، وهالشي بخليه حذر دائما في معاملاته مع الآخرين. الحوت غير مغامر وبخشى المخاطرة، بسبب شعوره بالحذر الدائم وبسبب خوفه من أنه يتأذّى. وهو من الشخصيات الي بفضل أنه يتعامل مع الأمور بشكل عقلاني. رجل الحوت في الحب والعلاقات العاطفية رجل الحوت رومانسي للغاية، وبتمتع بقلب نقي وبحب شريكته بالطريقة الي بتستحق أنه تتعامل فيها. عادة ما بكون خجول، وما بسعى ليتعرف عمرأة غير معجبة فيه، وبفضل أنه ينتظر لحتى يكون متأكد بنسبة ١٠٠٪ من مشاعرها تجاهه. في أي علاقة عاطفية، راح تلاقي رجل الحوت حنون ومساعد وبسعى لتلبيه احتياجات المرأة طيلة الوقت. بحب رجل الحوت انه يحضّر المفاجآت لحبيبته، ومن مميزاته أنه مش صعب في علاقته العاطفية، وممكن نقول عنه راح يكون وفي ومخلص لشريكة حياته. ما عنده مانع يعطي وقته كله لشريكة حياته، ويسعى كل الوقت ليصل للإمتزاج الي بخلي منه ومن حبيبته شخصية واحدة بروحين! إذا كنتِ من الشخصيات المحبة للحرية، فلازم تكوني واصلة لدرجة كافية من الحب والتواصل الي تخليكي تقدري تتقبلي رومانسية الحوت الطاغية. كما قلنا مسبقا انه رجل الحوت حساس، وهالشي بخلي منه اكثر الأبراج عرضة للإنكسار والشعور بالخيبة، والاشي ممكن يصل فيو لدرجات عميقة أكثر من أي شخص أخر. في كل مرة بقع فيها رجل الحوت في الحب، بشعر أنه وجد حب حياته، بغض النظر إن كان حقيقي أو لا، لهيك راح يتعامل مع الي قباله بأقصى درجات الرومانسية والحب حتى وإن كان ما بعرف اذا هالحب فعلا حب حقيقي. نصيحتنا الك أنه تتعاملي مع رجل الحوت بحذر في الفترة الأولى من العلاقة حتى تتأكدي أنه مشاعره حقيقية.

view_list
fullscreen