ستاتوسات فيسبوك

كتبت سماح بصول | الدُعابة الانتخابيّة

اليوم الصبح شفت باكورة إبداعات الحملة الانتخابية للقائمة المشتركة، بس شعار "مكانة أكثر" غير واضح المعالم يبقى أخف بلاء من شعار "كُلنا يعني كُلنا" الي اتخذه ائتلاف من أجل رفع نسبة التصويت صاحب فكرة: " هالمرة احنا منقرر" نقطة حمراء..


بدي أحط ع جنب أسئلة مثل: مين صاحب الفكرة الفذّة؟ وين الإبداع؟ واحكي عن الجملة نفسها ودلالاتها.

 

كُلنا مين؟ أو مين كُلنا؟


لمّا الشعب اللبناني خرج للشوارع بهدف معاقبة واسقاط السياسيين الفاسدين اختار جملة فيها مَسْح لكل ما هو موجود الآن، وأكد أن اسقاط السياسيين *كلن* لازم لانه كلن أسوأ من بعض. في نص الجملة أمر وقرار جارف وحملة "تعزيل" وهذا صحيح بالنسبة للبنان.


بس احنا يا رعاكم الله ووسع آفاقكم وزاد ابداعكم مش "كلنا يعني كلنا" والقائمة المشتركة والمؤسسات الأهلية مش بمحل "تُأمرني" أروح أصوّت، ولا سلطة لها عليّ، والتصويت حريّة وحق فردي لا يجوز أن يفرضه علينا داعم او مرشح أو حزب.. واذا في أمر وقرار جارف يعمل تغيير سياسي فالأولى "يجرف" شخصيات من القائمة المشتركة نفسها.


بالله عليكو.. مصاري الله رح تنزت خلال هالشهر.. ع القليلة اقنعونا بأنه النصوص أصلية وجديدة وبتحكي عنا وعن قضايا ومواضيع بتهم هالشعب! ولكو اكسروا عيني أنا الي مش ناوية أصوّت خليني أقول عالأقل: والله.. حبيت الدعاية.. مقنعة.


القائمة مش منتج تجاري بدنا نسوقّه عن طريق "تريند" عالمي أو عربي، هاي "ممثلة" الناس في البرلمان من المفترض تسويقها بذكر منافعها وفائدتها!
شكر الله سعيكم لتسليتنا من هون لـ 2.3

 



bar_chart_4_bars مقالات متعلقة

كتب طلب الصانع | منصور عباس يطرح برنامج واضح...

2021/06/14 09:33

كتبت سناء لهب | عندي سؤال صرله فترة بتردد...

2021/06/04 07:56

كتبت سناء لهب | لا افهم من يهاجم منصور عباس...

2021/04/02 11:04

كتب سليم سلامة | على قدر حلمك تتسع الأرض (م....

2021/03/21 20:43

كتب سليم سلامة | ارفَعوا أيديكم عن هذا...

2021/03/05 12:59