كتبت سناء لهب | عندي سؤال صرله فترة بتردد بعقلي .. الي فايت على الكنيست الصهيوني لشو فايت ؟
عشان يثبت وجود ويكون مصدر للمزاوده بالوطنية ولا عشان يحصل حقوقنا كشعب؟
الي بده يزاود على الوطنية ينزل على الشارع ويربي أجيال ويبطل شرعنة كنيست الاحتلال وديموقراطيته.
كل هاي الفترة عندي شعور انه الجبهة الشعبية بتحتل الكنيست .
يا اخي ما دامك دخلت لعبة السياسية العبها على الآخر, وما دامك ما بتعرف تلعبها بحجة الوطنية اترك الكنيست وما تكون أداة لشرعنة الإحتلال ومسوق للديموقراطية الكذابه.
وعلى فكرة حجه انكم ما بدكم تدعموا احزاب يمينية بطلت تنفع لأنه كل الأحزاب الصهيونية هي يمينية ومتطرفه وعدم دعمكم ليئير أو بينيت هو بالنهاية دعم للنتن الي اسقاطه كان هدفكم الواحد والوحيد ..
يا بتلعبوا سياسة يا بتستقيلوا وبلاها لعبة الوطنية داخل كنيست الاحتلال .
