بس مش زابطة معي اضلني ساكتة. أنا مش رح احكي عن رأيي بجدوى تمثيل العرب في الكنيست في السنوات الاخيرة، ولا عن دور وأداء القائمة المشتركة، ولا عن اذا هي جد مشتركة، ولا كيف تم انتخاب اعضائها، ولا انه في ناس ولا خصها بالعمل الجماهيري ولا المجتمعي ولا السياسي، ولا انه في منهن مناهضين للمساواة والديمقراطية وحق الاختيار ولا انه في منهن حتى اخلاقيا ما بمثلني، ولا الف اشي تاني....
انا بس بدي احكي أكم شغلة صغار كثير وتافهين، ولو انهن فعلا مهمات بنظر المشتركة كان ما أعطوني مجال احكي اصلا:
١. كيف ممكن أصوت بضمير مرتاح لقائمة فيها رجل عالاغلب متعدد الزوجات؟!!!
٢. كيف ممكن أصوت لقائمة ما أصدرت ولا اي موقف باسمها ضد العنف ضد النساء وضد قتل النساء وضد التحرش الجنسي!
٣. ليش ممكن أصوت لقائمة تتجاهل قضايانا ليس فقط عشية الانتخابات بل طيلة أيام السنة؟
٤. ليش ممكن أصوت لقائمة لم تصدر حتى موقف ضد قمع الحريات الشخصية!
وما حدا يقلي القضايا الوطنية هي الأهم! صار بمجتمعنا شبه إجماع (على الورق عالاقل) انه تحرر الوطن لا يحصل بدون تحرر النساء.
نسرين جبارة لروحك السلام! قتلت اليوم ١.٣.٢٠٢٠
2021/06/14 09:33
2021/06/04 07:56
2021/04/02 11:04
2021/03/21 20:43
2021/03/05 12:59
